Биредә Гөлнара Әюпова иҗат иткән җырлар урын ала


                                     Ак белән кара             
                                                           Зөфәр Хәйретдинов көе
Килмә, дидем, йөрмә, дидем,
Без бит пар түгел,дидем.
Инде шушы сүзләрдән соң
Нигә дип тагын килдең?!
               Куш-та
                        Артларымнан йөрмә,зинһар,
                          Без пар түгел ич, аңла.
                          Без икебез синең белән
                          Гүя ак белән кара.
Гашыйкларның сөйләшеп тә
Сүзләре бетми, диләр.
Синең белән сөйләшергә
Табалмыйм уртак сүзләр.
                       Куш-та: шул ук.
Мине көтә  үз юлларым,
Сине көтә  үз юлың.
Шул юлларның беркайчан да
Бел кушыласы югын.
Куш-та: шул ук.
                                     2010 ел, Чулпан Юсупова башкара

Башкачарак сөю

                                                      Зөфәр Хәйретдинов көе
Иңне-иңгә куеп синең белән
Күпме юллар бергә үтелгән.
Сөям, диеп әйтеп тормасаң да,
Җан җылыңны тоям мин,сизәм.
        Куш.:  Яши-яши җаннар якынайды,
                    Икебезгә гүя бер йөрәк.
                    Яшьлектәге кебек шашкын түгел,
                    Башкачарак сөю,үзгәрәк.
Тормыш йөген тартып талган чакта
Дәва синең йөзең балкышы.
Бер-береңне хөрмәт итеп яшәү,
Сөя белү - бәхет ачкычы.

               Куш.: шул ук
Беркем белми тормыш кагыйдәсен,
Ялгышулар була кемдә дә.
Сыналуда мәхәббәтнең көче,
Гафу итә,оныта белүдә.


Куш.: шул ук
                                                                               07.02.2010



Сиңа  илтер  юллар

                                                Зөфәр Хәйретдинов көе
Ерак  юлга чыктым төнгә каршы,
Юлдаш миңа ялгыз, тулган Ай.
Яннарыңнан синең китеп барам,
Шуңа нечкә күңелем кыллардай.
                      Куш.: Сиңа илтер юлда бары кояш,
                                 Сиңа илтер юлда йолдызлар.
                                 Сиңа илтер юлда бары шатлык,
                                 Синнән китәр юлда сагышлар...
Яннарыңнан синең китеп барам,
Алда көткән кебек чиксез төн.
Синсез көннәр гүя елларга тиң,
Нигә кыска икән синле көн?    
                       Куш.: шул ук.
Буйсынсак та язган язмышларга
Өметләрсез яши җирдә кем?
Сүнәрлек тә,сүрелерлек түгел
Күрешербез дигән өметем...
                        Куш.: шул ук.                                                           

            17.02.2011, Рәсим Фасыхов җырлый

              Ни турында әткәй, әнкәй уйлыйсыз?         

                                                        Зөфәр Хәйретдинов көе
Әткәй,әнкәй инде олылар,
Бер-бер артлы еллар агалар.
Күп калмады, дигән сүзләре
Үзәкләрне өзеп алалар.
                Куш.:  Гармуныңда моңлы көйләр уйныйсың,
                           Ни турында, әткәем, син уйлыйсың?
                           Сагышлы җыр ,әнкәй,нигә  җырлыйсың,
                           Ни турында ,әнкәем,син уйлыйсың?
Кабатланмас яшьлегегезне
Сагынасыз   әткәй, әнкәем.
Сезгә карап чынлап ышанам,
Җанның һич картаймый икәнен.
                    Куш.: шул ук
Әткәй,син уйнаган көйләрне
Күңел тулмый тыңлап буламы?
Әнкәй тавышыннан моңлырак,
Якынырак җирдә моң бармы?

                                                                   Август, 2002 ел



1   2   3   4   5   6   7   8   9   10